Rhoi gan gwmnïau

Rhoddion ariannol

  • Rhoddion o arian yw’r ffodd fwyaf amlwg ond hefyd y ffordd fwyaf costus i fusnesau gefnogi elusennau.
  • Mae busnesau mawr, fel Legal and General, yn creu Ymddiriedolaethau, gyda’r nod o gefnogi achosion lleol.
  • Mae rhoddion ac Ymddiriedolaethau elusennol yn dynadwy cyn treth.
  • O dan y cynllun Cymorth Rhodd, gall busnesau wneud rhoddion i elusennau ac wedyn gallant dynnu gwerth y rhodd o’r cyfrifiadau elw cyn treth ar ddiwedd y flwyddyn.

Rhoddion ymarferol

  • Mae’n aml yn haws ac yn fwy fforddiadwy i gwmnïau roi ‘pethau’ yn hytrach nag arian, megis nwyddau, eitemau ar gyfer rafflau, hen stoc i’w hailwerthu neu eu cynnig mewn arwerthiant, cyngor technegol am ddim neu ganiatáu i elusennau ddefnyddio cyfleusterau am ddim neu’n rhatach, ar gyfer cyfarfodydd a digwyddiadau.
  • Gall eitemau sy’n cael eu cynhyrchu i’w gwerthu, neu eitemau a ddefnyddir i gynhyrchu nwyddau masnachu (e.e. cyfrifiaduron/dodrefn) fod yn dynadwy cyn treth o dan y cynllun Cymorth Rhodd os ydynt yn cael eu rhoi i elusen. Mae ad-daliad treth llawn ar gael hefyd ar eitemau sydd heb ‘werth llyfr’ megis stoc sy’n dod i ben neu sydd wedi’u difrodi.

Secondiadau neu wirfoddoli gan gyflogeion
Gellir cynnig amser staff er budd elusennau trwy:

  • Cyflogeion yn gwirfoddoli – sy’n gyfle i wella sgiliau cyflogeion a hybu cysylltiad y cwmni â’r gymuned,
  • Sgiliau proffesiynol – megis cwmnïau sy’n gweithio ym myd y gyfraith, cyfrifwyr, hysbysebu neu gysylltiadau cyhoeddus. Gellir cynnig y sgiliau defnyddiol hyn am ddim.
  • Secondiadau - helpu staff i ddatblygu sgiliau mewn cyd-destun newydd am gyfnod penodol. Yn arbennig o briodol i ddatblygu sgiliau rheolwyr canol.

Busnesau'n hysbysebu

  • Gall elusennau ddenu llawer o gyhoeddusrwydd trwy gael sylw yn y cyfryngau ac mewn digwyddiadau, ac mae hyn yn arwain at gyfleoedd i fusnesau hysbysebu’u hunain.
  • Manteision cysylltiad gyda digwyddiadau elusennau a’r cyfryngau yw bod busnesau’n gallu dangos eu hewyllys da a’u cefnogaeth i achosion da.
  • Gall cyfleoedd i hysbysebu gynnwys; hysbysebu masnachol i gyrraedd cynulleidfa darged (e.e. hysbysebu ‘blaen tŷ’, hysbysebu mewn Adroddiad Blynyddol, hysbysebu mewn rhaglenni cynadleddau neu mewn digwyddiadau codi arian).
  • Nid yw talu am hysbyseb yr un fath â rhodd yng ngolwg yr awdurdodau treth; gall yr elusen sy’n derbyn orfod talu TAW gan fod hysbysebu’n cael ei gyfrif fel cytundeb busnes.

Noddi

  • Mae noddi yn gytundeb busnes rhwng cwmni ac elusen ac nid yw’n cyfrif fel rhodd yng ngolwg yr awdurdodau treth.
  • Nid oes rhaid i noddi busnesau fod ar ffurf arian yn unig, gall mathau eraill gynnwys nwyddau (megis car), gwasanaethau e.e. cludiant am ddim, hyrwyddo am ddim, disgownt ar wasanaethau neu nwyddau a brynir.

Bydd cytundeb nawdd yn cynnwys rhyw fath o fudd i’r cwmni. Mae enghreifftiau o fudd yn cynnwys:

  • Gwella delwedd y cwmni, trwy ei gysylltiad ag achos da
  • Cael hyrwyddo nwyddau am ddim, nwyddau’n cael eu cysylltu ag achos da.
  • Bwriad i ddiddanu cwsmeriaid (posibl).
  • Gwaith hyrwyddo ar y cyd (marchnata sy’n gysylltiedig ag achos); mae elusennau’n cymryd rhan mewn gweithgarwch hyrwyddo i helpu marchnata cynnyrch masnachol e.e. ymgyrch Nwy Prydain/ Help the Aged.

Adnoddau defnyddiol:

Rhoi trwy'r Gyflogres

  • Mae Rhoi trwy’r Gyflogres yn gynllun yn y gweithle lle mae cyflogeion yn cytuno i roi i elusen yn uniongyrchol o’u cyflog.
  • Mae’r rhodd yn cael ei thynnu’n syth o’u cyflog gan y cyflogwr a’i hanfon yn uniongyrchol at yr elusen a enwebir, trwy Asiantaeth Rhoi trwy’r Gyflogres, sy’n derbyn y rhodd, ynghyd â’r dreth (a fyddai wedi mynd i’r Trysorlys fel arall).
  • Mae’r cynllun yn un hawdd i’w redeg, ac mae’n agored i bob elusen â chyflogres, beth bynnag fo’u maint.
  • Fel arfer codir tâl gweinyddu bychan er bod y gwasanaeth ar gael am ddim i bob cyflogwr yng Nghymru trwy WCVA. Ar gael am ddim trwy WCVA.
  • Bydd cyflogwyr sy’n defnyddio’r cynllun Rhoi trwy’r Gyflogres yn derbyn Marc Safon, Tystysgrif a Logo i gydnabod a gwobrwyo cyfranogiad eu cyflogeion a’u cefnogaeth i elusennau.

Adnoddau defnyddiol: